Nuusbrief 4/2019

Beste Musiekvriende,

Il  Volo: Musica

Dié  Italiaanse  pop trio  bestaan uit drie sangers – ‘n  bariton  en twee tenore. Met hulle nuwe CD “MUSICA”  vier  die groep  sy  10de bestaansjaar.  Dié  CD bevat  o.a. snitte soos : “ Arrividerci Roma, Be my love, La voce del silenzio” en nog baie meer. Geniet hulle musiek – drie stemme wat baie goed bymekaar pas!!

Choir of St. George’s Chapel: O How Glorious  is  the  Kingdom

Dié koor van die Windsor kasteel  het ‘n CD opgeneem met vokale kosbaarhede wat oor vyf eeue strek. Met snitte soos: “ I was glad (Parry), How lovely is Thy dwelling place (Brahms), Jubilate Deo (Britten) en nog baie meer  weerspieël  dié  CD  die vars klank en veelsydigheid  van die koor. Puik koorklank wat sielsverheffend is.

Karl Jenkins: The Piano Album

Jenkins is bekend vir  sy koorwerke wat gereeld  op  musiekprogramme  of in konsertsale gehoor  word.

Op sy nuutste CD het Jenkins  sy grootste treffers  gekies en self op klavier  uitgevoer. Pure luistergenot!!

C.Reinecke: String  Quartets

Reinecke  het op 7 jarige ouderdom begin komponeer en op 12 jaar sy eerste publieke optrede as pianis gegee. Hy het eerste viool in sy pa se kwartette gespeel en daardeur goeie kamermusiek  kennis opgebou.  Hy het vyf strykkwartette gekomponeer –  ‘n groot  vonds vir kamermusiek liefhebbers.

Bach: Concertos ( arr. for 2 guitars  and orchestra)

Die Grigoryan  broers  het van Bach se konserte vir 2 kitare  en orkes verwerk. Die werke sluit in :  Konsert vir 2 viole BWV 1043; Klavierkonsert  BWV 1052 en Konsert vir Hobo, viool en strykers BWV 1060. Hulle verwerkings is ongelooflik mooi en ek het lanklaas  ‘n opname so geniet!!

Mark Knopfler: Down the Road wherever

Hy was destyds die hoof  kitaarspeler en hoofsanger vir die bekende groep Dire Straits. In 1995 het die groep opgebreek en Mark Knopfler het sy solo loopbaan begin. Hy het  fliekmusiek vir 9 flieks gekomponeer o.a. “Local Hero, Cal, The Princess Bride.” Sy  musiek  is rustig en  word  deur resensente beskryf  as: “ slow and elegant.”

My  aanbeveling  vir  die  maand:

Aranjuez – Concerto & dances for harp – Xavier de Maistre

Maistre het op 9  jarige ouderdom  in sy  tuisdorp Toulon se konserwatorium  begin  harp lesse neem. Op sestien  jaar wen hy sy  eerste internasionale kompetisie in Parys. In 1998  word hy die eerste Franse musikant wat aansluit by die wêreldbekende Weense Filharmoniese Orkes. Op hierdie CD speel hy die Rodrigo: Konsert de Aranjuez  op harp ,wat oorspronklik vir kitaar en orkes geskryf is. Wat ‘n belewenis!!

Musiekgroete

Heide